Англија Арсенал преку официјално соопштение на својата веб страна информира дека ја одбиле понудата на Барселона за Сеск Фабрегас.

Денеска Барселона излезе со информација дека синоќа испратиле и формална понуда до Арсенал за услугите на Фабрегас.

Арсенал експресно ја одби понудата на Каталонците.

"Капитенот на Арсена, Сеск Фабрегас е под договор со клубот до летото 2015. Тој е високо ценет член на тимот и дел од нашите идни планови".

"Ние ги следевме шпекулациите кои го поврзуваа Фабрегас со заминување од клубот но никогаш немаше официјална понуда за него, имаше само две неформални дискусии во кои јасно им нагласивме на заинтересираните дека немаме намера да го продаваме Фабрегас".

"Како и да е, синоќа вечерта добивме формална понуда од Барселона за Фабрегас и уште јасно им одговоривме дека немаме намера да го продадеме нашиот капитен".

"Да биде јасно, ние нема да направиме никаков контра предлог ниту да влегуваме во било каква дискусија. Барселона јавно кажа дека ќе ја почитува нашата позиција и ние очекуваме да се држат до нивниот збор" - стои во официјалното соопштение на Арсенал.

Powered by: 24 FUDBAL.com.mk