МЕНИ

СП 2018 | Африканскиот фудбал го тресе нов скандал, Гана практично се збогува со мундијалот откако и беше поништен чист гол против Уганда во 94. минута од средбата...

По контроверзните судиски одлуги на средбата помеѓу Јужна Африка и Сенегал минатата година, поради кои ФИАФ донесе одлука да се преигра натпреварот, „Црниот континент“ сега го тресе нов скандал.

На вчерашниот дуел помеѓу Уганда и Гана, на гостите им беше поништен чист гол поради офсајд длабоко во судиското надополнување.

Двамена погоди во 94. минута за 0-1, но помошникот го крена знаменцето, и покрај тоа што гостинскиот играч на беше во недозволена ситуација.

Фудбалската федерација на Гана соопшти дека веднаш по крајот на натпреварот е достаен протест до ФИФА и побарале средбата да се преигра.

Останува да се види како светската куќа на фудбалот ќе реагира по новиот голем превид со оглед на тоа дека по ремито од 0-0, „Црните ѕвезди“ практично се збогуваа со мундијалот во Русија.

Египет е прв во групата со 9 бода, Уганда има 8 а Гана 6, но „Фараоните“ имаат и натпревар помалку, вечерва на домашен терен против Конго можат да го чекираат билетот за СП 2018.