Шпанија Барселона потврди дека синоќа испратиле формална понуда до Арсенал за услугите на Сеск Фабрегас.

Барселона и официјално започнува формални разговори со Арсенал за трансфер на Фабрегас на Камп Ноу.

Самиот Фабрегас изјави дека сака да замине во Барселона, а каталонскиот клуб веќе долго време најавува дека ќе го врати капитенот на Арсенал онаму каде што припаѓа.

Барселона веќе го ангажираше Давид Виља од Валенсија за 34 милиони евра, следна голема цел е Фабрегас.

Директорот на Барса, Хуан Оливер потврди дека испратиле формална понуда за Фабрегас.

"Сите знаат дека Фабрегас сака да игра за овој клуб и сите знаат дека и ние го сакаме тоа" - изјави директорот за официјалната страна на Барселона.

"Но има и трет голем играч, тоа е Арсенал".

"Секој договор мора да помине преку нив и 1ви јуни беше почеток на периодот за официјални преговори".

"До пред некое време имаше само неформални разговори, но од синоќа тие се формални, и вообичаениот механизам е да презентираме формална и конкретна понуда".

"Па синоќа попладне доставивме понуда во пишана форма до Арсенал" - потврди Хуан Оливер.

Powered by: 24 FUDBAL.com.mk