Шпанија Жозе Мурињо денеска и официјално беше презентиран како нов тренер на Реал Мадрид.

Реал Мадрид попладнево на прес конференција и официјално го презентираше својот нов тренер, Жозе Мурињо.

"Она што ме привлече во Мадрид е историјата на клубот и фрустрациите од слабите игри во последните сезона, како и очекувањата за победи" - изјави Мурињо на прес конференцијата.

"Најубавата работа не е да се тренира Реал Мадрид, туку да се победува со Реал Мадрид".

"Не знам дали сум се родил за да бидам тренер на Реал Мадрид, но сигурен сум дека сум се родил за да бидам фудбалски тренер, ги посакувам најголемите предизвици во светот на фудбалот".

"Ова е посебен клуб и голема гордост е да се биде тренер на Реал Мадрид" - вели Мурињо.

Претходно, во канцелариите на Сантијаго Бернабеу, Мурињо стави потпис на договорот со Реал Мадрид.

Португалецот е донесен со цел да го врати Кралскиот клуб на најславните денови од својата историја кога царуваше во фудбалска Европа.

Предизвикот за Мурињо ќе биде голем, треба да се биде подобар од фантастичната Барселона во изминатите години.

Powered by: 24 FUDBAL.com.mk