Италија Жозе Мурињо испрати порака до фановите на Интер и до клубот заблагодарувајќи се за поддршката што ја добил во изминатите две години

По две поминати години на Џузепе Меаца, Жозе Мурињо реши да се пресели во Реал Мадрид и утре ќе биде презентиран како нов стратег на Кралскиот клуб.

’Специјалниот’ заминува од Милано со пет освоени трифеи: две Скудета, еден Италијански Куп, еден Италијански Супер Куп и можеби најважниот трофеј, оној од Лигата на Шампионите.

Тој на Интер му ја донесе историската тројна круна но веднаш по ваквиот успех сврте нова страна во својата кариера и реши да се пресели на Сантијаго Бернабе.

Преку La Gazzetta dello Sport тој реши да испрати порака до фановите на Интер, претседателот Масимо Морати и сите инволвирани во клубот.

“Пред да ставам потпис на договорот со Реал Мадрид, сакам да им се заблагодарам на сите фанови на Интер и на сите оние кои ми даваа поддршка во оваа авантура која кулминираше со трофеј во Лигата на Шампионите.”

“Започнувајќи со фановите на Интер, вработените во клубот па се до претседателот Масимо Морати. Срдечен поздрав до сите, вие секогаш ќе бидете дел од моето срце.”

Ваквата порака на Мурињо следи по вчерашната на фановите од Курва Норд, кој му се заблагодарија на ’Специјалниот’ за се што стори за Интер.

“Курва Норд Нероаѕри сакат да му се заблагодаран на Жозе Мурињо за неговите две години во Интер.” – гласеше соопштението на фанвоите.

“Вашиот обид да се промени лицемерната природа на медиумите, која се занимаваат само со фудбал кој се води од моќ и бизнис, најверојатно никогаш нема да има свој наследник.”

“Спомените од вашиот одлучувачки и едноставен пристап кон сите оние кои го напаѓаа Интер ќе остане засекогаш врежан во нашата меморија.”

Powered by: 24 FUDBAL.com.mk