Македонија | Стратегот од клупата на македонскиот првак со триумф над Фенербахче дебитираше на кормилото на Вардар...



Македонскиот првак Вардар дојде до одличен резултат на домашен терен пред реваншот во Истанбул против Фенербахче во рамките на плејофот од квалификациите за пласман во групите од Лига Европа.

По мечот, на пресконференцијата, Чедомир Јаневски истакна дека резултатот од првата средба е добар за неговиот тим, но подвлече еден проблем во играта на Вардар, кој мора да биде решен во пресрет на реваншот во Турција идниот четврток.

„Резултатот е добар за нас, имавме противник кој доминираше на теренот, станува збор за искусен тим со европско искуство, имавме проблем во првото полувреме, посебно во дефанзивата, тоа мораме да го тргнеме како проблем во пресрет на реваншот“ истакна Чедомир Јаневски на пресконференцијата по мечот.

Вардар на реваншот во Истанбул ќе биде ослабен за капитенот Бобан Грнчаров, кој заработи исклучување на средбата во Скопје.

Извор: 24FUDBAL.com.mk