Италија | Според пишувањата на ТВН, „Росонерите“ нема да штедат пари за да стигнат до услугите на Артуро Видал од Баерн Минхен...



Милан е во потрага на нов голгетер и се верува дека со ангажман на нов напаѓач „росонерите“ ќе ги завршат активностите на трансфер пазарот откако ова лето веќе купија 9 играчи и потрошија над 200 милиони евра.

Но од Чиле пристигнува најава за нова трансфер бомба во режија на клубот од Сан Сиро.

Според Телевисион Насионал де Чиле, Милан ќе достави супер предлот до Баерн Минхен за Артуро Видал, а на играчот ќе му понуди двојно поголема плата од онаа која ја заработува на Алианц Арена.

Останува да се види дали има вистина во ваквите стории и дали „Баварците“ ќе се сложат на продажба откако ова лето веќе одбија 50-60 милиони евра од Интер за услугите на „Кинг Артуро“.

Извор: 24FUDBAL.com.mk