МЕНИ

Македонија | Станува збор за Мустафа Куајнор од Гана, играч од средниот ред кој стави потпис на две годишен договор со македонскиот шампион...

Вардар денеска промовираше две нови засилувања, најпрво бразилскиот напаѓач Итало, а веднаш потоа Мустафа Куајнор од Гана.

„Интернационалецот од Гана Мустафа Куајнoр, потпиша денеска со екипата на Вардар. 22-годишниот фудбалер од средниот ред има искуство со играње на Кипар и во Австралија. Договорот на Куајнор е во траење од две години, со можност истиот да биде продолжен на уште една“ - стои во соопштението на Вардар.

Фудбалерот е задоволен што станува член на „црвено-црното“ семејство.

„Среќен сум и задоволен што потпишав за Вардар. Драго ми е што станав дел од оваа екипа и со нетрпение чекам да заиграм за екипата. Ова за мене е голем предизвик што ќе настапувам во дресот на оваа екипа која е најдобра и најтрофејна во Македонија. Дoјдов во тим кој што секоја сезона се бори за титулата и се надевам дека заедно ќе успееме да ги исполниме амбициите на клубот“ - вели Куајнор за официјалниот сајт на Вардар.

Мустафа Куајнoр е роден во Акра (Гана) во 1995 година. Во својата кариера има настапувано за Адуана Старс од Гана, потоа од каде оди во Кипар и игра за АЕЛ Лимасол, Алки Ларнака и Ермис Арадипу. Последната година играше во Австралија во екипата на Паское Вале.