Италија Масимо Морати признава дека мали се шансите Интер ова лето да го ангажира Цеск Фабрегас или пак Стивен Џерард

Двајцата играчи од средниот ред се поврзуваа со преселба во Интер во изминатиот период.

Медиумите шпекулираа дека Морати ова лето ќе потроши околу 100 милиони евра на трансфер пазарот и сака да ангажира една голема ѕвезда од средниот ред како што се Стивен Џерард или пак Цеск Фабрегас.

Двата трансфери се тешко изводливи бидејќи Фабрегас призна дека Барселона е единствениот клуб каде што ќе се пресели доколку замине до Арсенал а капитенот на Ливерпул, Стивен Џерард тешко може да го напушти клубот каде што ја започна кариерата.

Претседателот на Интер, Масимо Морати призна дека би било одлично доколку тие би можеле да ангажираат некого од Цеск Фабрегас или Стивен Џерард но е свесен дека мали се шансите за нешто такво.

“Фабрегас и Џерард? Мислам дека нешто такво ќе биде многу добро. Сепак не верувам дека ќе биде можно да се купат овие играчи. Ќе видиме што ќе се случи.”

“Мило ми е што фановите на Интер сакат играч како Џерард но мислам дека тој не сака да ја напушти Англија.“

“Агуеро? Не сме заинтересирани за него, во нападот веќе имаме доволно опции. ”

“Ибрахимович? Јас сум приврзан кон Ибрахимович, тој самиот ни донесе едно Скудето.”

“Имам многу високо мислење за него, може да ми се јави ако сака... но мислам дека не можеме да си дозволиме толку многу играчи од светска класа.”

Морати претходно потврди дека Фабио Капело е еден од кандидатите да го превземе тренерското место на Интер.

Powered by: 24 FUDBAL.com.mk