Останато | Францускиот стратег упати благодарност до навивачите на Реал Мадрид во Македонија, притоа се осврна и на рецептот за успех против Манчестер јунајтед...
Реал Мадрид со 2-1 беше подобар од својот ривал Манчестер јунајтед во Суперкуп пресметката која се одигра во Скопје, големо задоволство во таборот на победничкиот тим по мечот.
„Нема еволуција, се работи за напорна работа, имаме многу талент, но со работа се постигнува многу. Ова е тим што секогаш е гладен и сака повеќе. Вечерва бевме перфектни, во првото полувреме бевме одлични, но во второто беше потешко, но ова е еден натпревар. Ако успеавме да постигнеме трет гол преку Бејл тогаш ќе беше поинаку. Ние никогаш не се заморуваме од победување“ издвои Зидан по победата.
Францускиот стратег притоа откри што е потребно за да се победи Манчестер јунајтед.
„Клучот против ривал како Манчестер е да го контролирате средниот ред, имавме висок пресинг, не им дозволувавме да играат, а разликата беше кога ние ја имавме топката во наш посед, бевме одлични. Се е до тимот и тоа како функционира, тоа е најважно. Не знам дали го достигнавме врвот во играта, секој ден ќе биде тешко ќе имаме силни ривали во текот на сезоната, но ние сакаме што подобро да се подготвивме како и секогаш. Имаме амбиција секогаш да бидеме подобри, во споредба со претходните натпревари“ додаде Французинот.
„Игравме против ривал кој знае како да игра и има квалитет. Не знам, има многу тимови кои можат да бидат квалитетни, ние сакаме да продолжиме со нашата игра и нашата низа победи и освојување на трофеи. Има многу екипи кои би можеле да бидат тука на наше место. Оваа сезона ќе биде многу потешка за одбрана на титулите“ истакна шефот на стручниот штаб на Реал Мадрид.
На крајот, популарниот „Зизу“ не заборави да ги поздрави навивачите на Реал Мадрид во нашата земја и да упати благодарност за нивната несебична поддршка.
„Од првата минтута бевме одлични до самиот крај. Се беше во ред, бевме примени топло, на стадионот имаше многу навивачи. Сакаме да им се заблагодариме на подршката и на сите кои го сакаат овој клуб, тука во Македонија имаме многу навивачи“ заврши Зидан на пресконференцијата по мечот.
Извор: 24FUDBAL.com.mk
