Италија | Младата ѕвезда на „Старата Дама“, Пауло Дибала проговори за можниот трансфер на Камп Ноу, вели дека ако пристигне понуда, најпрво предлогот ќе го разгледа Јувентус а потоа и тој...
Аргентинецот се споменува како една од опциите на Барселона за замена на Нејмар доколку напаѓачот се пресели во Париз ова лето.
„Кога читете за интересот на Барселона, Реал Мадрид и сите други клубови од тој калибар, тоа ви годи“ – вели Пауло Дибала.
„Тоа е знак дека добро си ја вршите работата“.
„Но треба да видите колку вистина има во сето тоа, бидејќи за време на преодниот рок има голем број на шпекулации, некои се вистините, некои не се“.
„Не треба мене да ме прашувате за ова, треба да го прашате клубот“.
„Јас сум среќен тука, и летово ќе го дадам максимумот за што е можно подобро да се подготвам за новата сезона“.
„Доколку пристигне понуда, клубот ќе ме извести и ќе ми каже дали сака да ме задржи или пак сака да ме продаде“.
„Прво зависи од нив, па потоа зависи од мене“.
Запрашан уште еднаш што ќе каже ако пристигне понуда од Барселона, Аргентинецот само кратко одговори: „Прво зависи од нив, па потоа од мене“.
Извор: 24FUDBAL.com.mk
