МЕНИ

Англија | Пеп Гвардиола ова лето се расфрла со пари како никој претходно во Премиерлигата, но Шпанецот мерка уште едно големо засилување за крај на трансфер пазарот...

Пеп Гвардиола прави голема реконструкција на тимот ова лето, и во две недели два пати го сруши рекордот за најскап дефанзивец, најпрво со ангажманот на Кајл Вокер а потоа и со Бенаџамин Менди.

Тој потроши преку 200 милиони фунти на засилувања што е рекордна сума за клуб од Премиерлигата.

Но Шпанецот нема да застане тука и најдоброто го чува за крај.

Медиумите од „Островото“ пишуваат дека ангажман на нов офанзивен фудбалер е приоритет до крајот на преодниот рок.

Како желби се две имиња, Алексис Санчез од Арсенал и Килијан Мбапе од Монако.

Арсен Венгер во неколку наврати порача дека Чилеанецот не на продажба, но Пеп Гвардиоал е убеден дека ќе може да го купи Алексис Санчез за 50 милиони фунти.

Другата алтернатива е двојно поскапа и многу покомлицирана зделка. За ангажман на Килијан Мбале ќе бидат потребни повеќе од 100 милиони фунти.

Но Монако до овој момент одолева на сите понуди, а и конкуренцијата за Французинот е многу поголема, Килијан Мбапе е цел која Реал Мадрид не планира да ја пропушти.