Англија Таткото на Цеск Фабрегас побара трансферот на неговиот син од Арсенал во Барселона да се комплетира што е можно побрзо
Но Францеск Фабрегас е свесен дека преговорите помеѓу двете страни ќе бидат долги и комплицирани.
Особено што Арсен Венгер нема намера да се откаже од услугите на својот капитен и поради таа цел, Топџиите поставија цена од 94 милиони евра (80 милиони фунти).
Откако Цеск Фабрегас призна дека Барселона е единствениот клуб каде што ќе се пресели доколку го напушти Арсенал и побара неговата иднина да биде разрешена пред почетокот на Светското Првенство медиумите секој ден шпекулираат за трансферот на шпанскиот интернационалец.
Фабрегас дури одржа и состанок со Арсен Венгер на кој му ја соопшти желбата да се врати на Камп Ноу.
Барселона сеуште нема доставено официјална понуда за услугите на Цеск и неговиот татко побара двата клуба што е можно побрзо да пронајдат решени.
Зборувајќи за Radio Marca, Францеск Фабрегас Сениор рече: “Преговорите помеѓу Арсенал и Барселона ќе бидат долги.”
“Цеск сега е фокусиран само на националниот тим, но тој сака целата зделка да биде комплетирана што е можно поскоро.”
“Не сум сигурен како се ќе се заврши, но мислам дека треба да биде почитувана одлуката и желбата на играчот.”
“Цеск секогаш соработувал добро со Арсен Венгер, и благодарни сме на Арсенал бидејќи тие мојот син го направија маж, но сакаме сето ова да заврши што е можно поскоро.”
“Во моментов Цеск е под договор со Арсенал и имам чувство дека клубот од Англија не сака да го продаде играчот но се надевам дека на крајот ќе му дозволат на Цеск да замине.”
Во меѓувреме се огласи и Александер Хлеб, кој пред две години го напушти Арсенал за да се пресели во Барселона.
Интернационалецот од Белорусија го советува Фабрегас да го напушти Емирати за преселба на Камп Ноу.
“Останав во контакт со Цеск и тешко ми е да судам што треба да направи.” – Хлеб е цитиран од The Sun.
“Тој и Гаел Клиши се двајца добри играчи кои мораат да донесат сопствени одлуки. Но јас би ги советувал да останат.”
Powered by: 24 FUDBAL.com.mk
