Италија Медиумите од Италија повторно говорат за продажба на акции на Милан и се верува дека Силвио Берлускони е подготвен да му дозволи на Гаспром влез во клубот

Весниците од Италија долго време шпекулираат дека странски инвеститор сака да влезе во сопственичката структура на Милан.

Но Силвиот Берлускони, Милан и Фининвест, холдинг компанијата која го поседува клубот до сега во сите наврати ги негираа таквите натписи и најавуваа дека тие немаат намера да продадат мал дел од акциите или пак управувачкиот пакет.

Но вестите за влез на странска компанија во Милан утрово повторно се појавија и La Gazzetta dello Sport вели дека Руската нафтена компанија, Гаспром сака да стане сопственик на дел од акциите на Росоњерите.

Весникот вели дека Гаспром планира да купи 25-30% од акциите на Силвио Берлускони за сума од околу 180 милиони евра.

Се шпекулира дека за една ваква зделка притиска и Рускиот Претседател, Владимир Путин кој е добар пријател со Премиерот на Италија и двајцата веќе се сретнале минатиот месец.

Доколку Гаспром стане акционер во Милан, Силвио Берлускони за прв пат по 24 години на чело ќе нема целосна контрола над клубот.

Преку продажбата на акциите, Росоњерите ќе добијат финансиска инекција која најверојанот ќе биде искористена за силен настап на трансфер пазарот и обновување на интересот за Един Џеко.

Интернационалецот од БиХ и минатото лето беше цел на Милан но гигантот од Серија А не можеше да ја плати сумата од 40 милиони евра што ја побара Волфзбург.

Powered by: 24 FUDBAL.com.mk