Македонија | Еден од главните играчи во македонската младинска репрезентација, Енис Барди вели дека максимално се фокусирани и подготвени за големиот предизвик кој е пред нив, настапот на Европското првенство во Полска...



Македонската репрезентација до 21 година во Полска се подготвува за премиерниот меч на Европското првенство кој ќе го одигра во сабота против Шпанија.

Нашите фудбалери се максимално мотивирани и без страв, со самодоверба на победа ќе играат против големиот фаворит.

„Веројатно кај сите се чувствува позитивна трема, но тоа е добро - на тој начин знаеме дека ќе бидеме подготвени. Фокусирани сме на тренинзите и задачите кои ни ги дава селекторот. Подготвени сме за предизвикот, знаеме дека поминавме тежок, исцрпувачки пат до пласманот на Европското првенство и ќе дадеме се од себе да продолжиме со позитивни резултати. Имаме амбиција и ентузијазам, знаеме и кои е нашиот прв противник, но ќе дадеме максимум за некои работи на теренот да се прашаме и ние, вели Енис Барди за официјалниот сајт на ФФМ.

Извор: 24FUDBAL.com.mk