Италија Жозе Мурињо најави заминување од Интер, Португалецот изјави: "Мојата работа е завршена тука, сакам да освојам Лига на Шампиони со три клуба".
Жозе Мурињо си заминува од Интер, откако го искачи клубот на највисокото место во Европа, Португалецот најавува заминување од Милано.
Мурињо сега е во друштво заедно со Ернст Хапел и Отмар Хивфилд, тројцата кои со два различни клубови го освоиле Купот на Шампионите.
"Чувствувам голема тага бидејќи можно е да заминам, но во мојот професионален живот се трудам да бидам ладен колку што можам повеќе и да се насочам кон следното нешто што треба да го направам" - изјави Мурињо за RAI.
"Го направив она што требаше, мојата работа е завршена, јас сум во историјата на клубот и Интер никогаш нема да биде истиот повторно. Не сакам да зборувам многу, бидејќи ќе се расплачам".
"Шансите да си заминам се поголем отколку да останам".
"Претседателот е фантастичен, му благодарам многу за се што направи. Не беше лесна одлуката да се промени тренер кога тој го освојува Скудетото".
"Тоа исто така беше ризик и за мене, бидејќи доколку не го освоев последното Скудетот, мојата кариера можеше да заврши со напади од медиумите".
"Освоив се што можев да освојам и доколку мојата одлука биде она што мислам дека ќе биде, сеуште не е 100%, но имам идеја, заминувам после нешто што ми дава огромна мотивација".
"Јас сум еден од ретките тренери кои ја освоиле Лигата на Шампионите со два клуба, сега сакам да бидам првиот кој ја освоил со три".
"Никогаш нема вистински да се збогувам. Кога се вратив на Стемфорд Бриџ се почувствував како дома, и секогаш ќе се чувствувам дома на Џузепе Меаца".
"Бев среќен тука, не многу во италијанскиот фудбал, не ми се допаѓаа претседателите кои викаа дека нивните тренери се подобри, и начинот на кој ме третираа медиумите".
"Сакам да превземам ризик. Доколку заминам во Шпанија и играм повторно против супериорната Барселона, тоа ќе биде огромен предизвик и доколку бидам тренер на Реал Мадрид ќе се обидам да дојдам до трета титула во Лигата на Шампионите".
"Не преферирам долго да останам во еден клуб, секогаш сакам да ризикувам да се обидам нешто повеќе, и да бидам во потрага по нови амбиции".
"Не сум зборувал со Реал Мадрид, и немам никаков договор со нив. Тој е единствениот клуб за кој би бил заинтересиран и би ми дал нов предизвик".
"Ќе земам неколку денови одмор, па потоа ќе ја донесам одлуката за мојата иднина" - изјави Мурињо.
Powered by: 24 FUDBAL.com.mk
