Англија Манчестер Јунајтед ќе му понуди на Вејн Руни нов договор според кој напаѓачот ќе биде фудбалер со најголеми примања на Олд Трафорд

Англискиот интернационалец уживаше во најдобрата сезона во својата кариера откако постигна 34 погодоци во сите натпреварувања за Манчестер Јунајтед.

Поради извонредните игри Руни ги доби наградате за Најдобар Фудбалер во Премиер Лигата во избор на неговите колеги и новинарите.

Репутацијата на Вејн може да порасне уште повеќе следниот месец доколку тој има одлична кампања со Англија на мондијалот во Јужна Африка.

Неколку клубови- Барселона и Реал Мадрид – се големи фанови на играта на Руни и сакаат да го имаат напаѓачот во своите редови но поранешната ѕвезда на Евертон не размислува за заминување од Олд Трафорд.

Исто така и Сер Алекс Фергусон не размислува за продажба на Вејн Руни па по крајот на СП 2010 се очекува Руни да стави потпис на нов дговор.

Manchester Evening News објави дека Јунајтед ова лето ќе ја направи својот најголема ѕвезда, најплатен фудбалер на Олд Трафорд.

Во моментов се верува дека Рио Фердинанд добива најголема плата – 5,5 милиони фунти годишно – но таа ќе биде надмината со новиот договор на Руни, кој ќе добие договор вреден 130 000 фунти неделно.

Вејн Руни со тоа ќе биде на нивото од соиграчите во репрезентацијата на Англија и ѕвездите на Челзи, Џон Тери и Франк Лампард но напаѓачот малку ќе заостанува во споредба со Карлос Тевез и Емануел Адебајор од Манчестер Сити.

Напаѓачот има уште две години од сегашниот договор со Јунајтед и двете страни се имаат договорено да седната на преговарачка маса по крајот на Светското Првенство.

Powered by: 24 FUDBAL.com.mk