Англија Челзи е последниот клуб кој што се поврзува со ангажман на Јаја Туре, фудбалерот посакува да ја напушти Барселона.

Јаја Туре најверојатно ќе ја напушти Барселона, фудбалерот не ја добива посакуваната минутажа и сака да замине во клуб каде ќе биде стандарден.

Чести се шпекулациите кои го поврзуваат со трансфер во Премиер лигата, Манчестер Сити и Арсенал се споменуваа како негови можни следни дестинации, последно име е Челзи.

"Доколку Челзи го сака Јаја и сите добиваат со договорот, зошто да не? - изјави агентот за Daily Mirror.

"Оваа сезона Туре не играше стандардно и Пеп Гвардиола ги преферираше Бускетс и Кеита во однос на него".

"Доколку тој ги преферира Бускетс и Кеита, тогаш најдобро за Туре е да си замине од Барса и да се пресели во Челзи. Тој 90% e сигурен дека ќе си замине".

"Тој има добра плата тука, но не сака да заработува пари и да спие на клупата. Некои фудбалери би го прифатиле тоа, но не и тој".

"Доколку Туре замине од Барса, тие потоа ќе сфатат што загубиле" - заврши агентот.

Powered by: 24 FUDBAL.com.mk