Македонија | Медиумите од Италија пишуваат дека новиот тренер на Зенит, Роберто Манчини сака во Русија да го донесе репрезентативецот на Македонија, Илија Несторовски...



Нов клуб се приклучува во трката за потписот на „Несто гол“, репрезентативецот на „Црвено-жолтите“ се поврзува со трансфер во Зенит.

Роберто Манчини неодамна го превзеде кормилото на клубот од Санкт Петербург, па стратегот мерка неколку играчи од Италија.

Според Џорнале ди Сицилија, поранешниот предводник на Интер и Манчестер Сити сака во Русија да го донесе Илија Несторовски.

Се споменува сумата од 10 милиони евра, но Палермо се уште нема одлучено дали ќе го продаде Илија Несторовски, или пак Македонецот ќе биде играчот околу кој ќе се гради тимот за експресно враќање во Серија А.

Севиља, Евертон и Фиорентина исто така ја следат ситуацијата на Илија Несторовски.

Извор: 24FUDBAL.com.mk