МЕНИ

Шпанија Емилио Бутрагуено вели дека бордот на директори на Реал ќе се сретне следната недела кога ќе биде донесена одлуката за тоа кој ќе го предводи тимот следната сезона

Директорот на Реал Мадрид признава дека тој е задоволен од работата на Мануел Пелегрини и бидејќи Чилеанецот сеуште е тренер на Кралевите тој нема да зборува за други тренери.

Жозе Мурињо силно се поврзува со кормилото на Реал Мадрид и покрај тоа што тој има договор со Интер до 2012 а Мануел Пелегрини има договор со Реал и следната сезона.

Медиумите најавуваа за вчера дека стратегот на Кралевите ќе добие отказ но бордот на директори ќе се одржи следната недела и тогаш ќе биде донесена одлуката за тоа кој ќе го предводи тимот следната сезона.

“Пелегрини е одличен професионалец и мене ми се допаѓа неговиот стил што го покажа во текот на годината.” - рече Бутрагуењо.

“Тој сеуште е тренер на Реал Мадрид и од почит кон него јас нема да зборувам за други тренери.”

“Потребно е да го признаеме напорот на играчите и Пелегрини. Првенството беше несекојдневно.”

“Освоивме 96 бода и постигнаме 102 погодоци бројќи што секој би сакал да ги постигнеме следната сезона. 31 победа од 38 натпревари е извонредно.”

“Но се случи да има тим на Барселона што имаше подобра сезона. ”

Тој додаде: “Во другите натпреварувања не го постигнавме она што го очекувавме. Во Лигата на Шампионите испаднавме уште во 1/8 – финалето, нешто шт не го планиравме. Тоа беше горка вечер за нас.”

“Сега е потребно да бидеме смирени да донесме одлуки за следната сезона и да направиме поконкурентен тим што може да освојува титули.”

“Следната недела ќе биде состанокот на бордот на кој ќе се разговара за спортски работи”

“Спортскиот департман на клубот веќе работи на засилување на одредени позиции но се додека не се донесе одлука за тренерот нема да се носат одлуки за засилувањата.”