Лига на Шампиони Во пресрет на финалето од Лигата на Шампионите, Аријен Робен упати напад кон Жозе Мурињо велејќи дека стратегот е заинтересиран само за успех но не и убав фудбал

Со вакви исти напади кон Мурињо пред неколку дена се огласи и тренерот на Баерн Минхен, Луис ван Гал.

Тогаш ’Специјалниот’ одоговори дека тој оваа сезона не видел тим што одиграл офанзивен фудбал против Барселона како што тоа го стори Интер на Џузепе Меаца при победата од 3-1 или пак против Челзи на Стемфорд Бриџ, како што тоа го сторија Нероаѕурите на реванаш натпреварот од 1/8 – финалето од Лигата на Шампионите.

Очигледно Баварците веќе ја започнуваат психолошката војна во пресрет на саботниот натпревар на Сантијаго Бернабе и Аријен Робен, кој соработуваше со Мурињо во Челзи, вели дека Португалецот сака победа по секоја цена.

“Мурињо е тренер кој сака победи, тој не се грижи премногу за начинот на кој се игра фудбалот, тој се интересира само за победа.” – рече Робен.

“Ван Гла и Баерн Минхен од друга страна се интересираа за победувања со убав фудбал.”

“Како играч сакате да играте и да уживате во играта, тоа е многу важен дел.”

“Јас работев со Мурињи три години во Челзи. Тоа беа успешни времиња, тој има голем персоналитет и како тренер на топ тим морате да го имате тоа.”

“Тој знае како да работи со големи играчи и да ги стави заедно во тим и тие успешно да играат заедно.”

“Но подоцна почнавме да играме во ’дијамант’ формација, без крила, што не беше добро за мене. Системот се промени и јас донесов одлука да заминам.”

Powered by: 24 FUDBAL.com.mk