Англија Барселона планира да го понуди Александер Хлеб како дел од трансферот на Цеск Фабрегас но Арсенал посакува фантастични 80 милиони фунти за својот капитен

Каталонците продолжуваат да кројат планови како да стигнат до услугите на Цеск Фабрегас ова лето.

Се веруваше дека Јаја Туре ќе биде понуден како дел од трансферот на Фабрегас но агентот на интернационалецот од БСК ја отфрли можноста неговиот клиент да се пресели на Емирати со што креираше дополнителни проблеми за Барса.

Медиумите шпекулираат дека Арсен Венгер не го сака Златан Ибрахимович бидејќи напаѓачот не се вклопува во неговите планови но Барселона сега ќе се обиде со една поинаква варијанта и Daily Mail  вели дека Александар Хлеб ќе му биде понуден на Арсен Венгер.

Интернационалецот од Белорусија ниту на Камп Ноу ниту во Штутгарт не успеа да ја повтори формата од Арсенал и откако му заврши позајмицата во клубот од Буднеслигата, наскоро повторно ќе се врати во Барселона.

Хлеб не е дел од плановите на Пеп Гвардиола па тој ќе биде понуден на Арсенал со цел Топџиите да ги намалат барањата за Цеск Фабрегас.

Но прашање е дали тоа ќе биде доволно со оглед на тоа дека весниците од Англија денеска излегоа со шпекулација дека Арсенал бара фантастични 80 милиони фунти за својот капитен.

Но поради можноста продажбата на Цеск Фабрегас да префизвика домино ефект и други ѕвезди на Арсенал да побараат трансфер, Арсен Венгер е желен да го задржи совјот капитен на Емирати.

Daily Mirror вели дека Французинот ќе се обиде да го убеди Цеск да се предомисли околу желбата да се врати на Камп Ноу и да остане во Арсенал барем уште една сезона.

Извештаите говорат дека Венгер ќе се обиде на Фабрегас да му објасни дека ова лето Арсенал ќе се засили солидно и Маруан Шамак ќе биде првото од неколкуте засилувања.

Стратегот исто така ќе му нагласи на Цеск дека во Барселона нема да има загарантирано место во стартниот тим бидејќи тимот од Камп Ноу има извонреден среден ред во кој Чави и Ињеста се главните играчи.

Powered by: 24 FUDBAL.com.mk