Останато | Неверојатна тепачка во босанската женска лига, фудбалерка на Железничар крвнички тепаше играч на противничкиот тим, очекувано заработи црвен картон, но се чини дека треба да добие и доживотна забрана да се врати на теренот...
Натпреварот од женската фудбалска лига во БиХ помеѓу Младост и Железничар заврши 1-1, но тоа е најмалку важно. Во 87. минута се случи неверојатен момент за кој објавуваат и светските медиуми.
Фудбалерката на Железничар, Силвија Секачиќ одеднаш полуде, се фрли на една од противничките играчи, ја собори на подот и почна да ја удира со боксови.
Судијата со помош на останатите фудбалерки и успеа да ја прекине тепачката и веднаш и покажа црвен картон на Секачиќ, но во БиХ се зборува дека таа треба да добие и доживотна забрана за играње фудбал, можеби да биде испратена и на психијатриско лекување во некоја установа.
„Нема зборови со кои можеме да го опишеме овој чин, а да останеме во границите на пристојноста. Доволно е да се каже дека вакво однесување нема врска со здравиот разум. На ваквите личности не им е местото во фудбалот и дефинитивно заслужува доживотна суспензија“ - велат од ЖФК Младост.
Извор: 24FUDBAL.com.mk
