Англија | Според шпанскиот медиум „Диарио Гол“, Алваро Мората во летниот преоден рок и дефинитивно ќе го напушти Реал Мадрид, тие шпекулираат дека тој веќе се договорил со Челси...
Иако има многу подобар ефект од Карим Бензема, Алваро Мората останува втор опција во Реал Мадрид и тоа го фрустрира шпанскиот напаѓач.
Информациите велат дека тој нема намера да остане во подредена улога и да биде стартер само тогаш кога треба да се одмори Бензема, решен е да го напушти Реал Мадрид во летниот преоден рок.
„Диарио Гол“ тврди дека агентот на Мората се сретнал со официјални лица на Челси и се договориле за трансфер во лондонскиот клуб иако преговарале и со други екипи.
Девојката на Мората е во потрага на куќа во Лондон.
Останува уште малку до почетокот на преодниот рок, па дали ваквите шпекулации се вистинити ќе видиме во јуни.
Извор: 24FUDBAL.com.mk
