Англија | Манчестер Сити го информирале Монако дека се подготвени да платат 110 милиони евра за услугите на Килијан Мбапе, а Радамел Фалкао смета дека неговиот млад соиграч ќе заврши во Реал Мадрид...



На почетокот од оваа недела излезе информација дека Манчестер јунајтед понудиле 72 милиони фунти за 18-годишниот француски фудбалер.

Но „Ле10 Спорт“, информира дека Пеп Гвардиола посакува да го ангажира Мбапе и Манчестер Сити го информирале Монако дека се подготвени да платат 94 милиони фунти (110 милиони евра), што бил бил рекорден трансфер.

„Зошто не би отишол во Реал Мадрид? Тој е многу добар фудбалер, многу млад и се докажува на секој натпревар. Секогаш сака да даде допринос за тимот“ - смета Фалкао.

Покрај клубовите од Манчестер и Реал Мадрид, интерес за Мбапе има и од Челси, Јувентус и ПСЖ.

Тешко ќе му биде на Монако во летниот преоден рок да го задржи својот екстра талент, па прогнозите се дека Мбапе сигурно ќе ја промени средината.

Извор: 24FUDBAL.com.mk