Лига на Шампиони | Пред почетокот на второто полувреме, камерите го уловија Кристијано Роналдо во дебата со судијата Мартин Еткинсон за спорната ситуација при првиот гол на Португалецот...
Кристијано Роналдо вчера го однесе Реал Мадрид на чекор до финале од Лигата на Шампионите, ЦР7 со три гола го „потопи“ градскиот ривал Атлетико Мадрид.
Сепак, и овој натпревар не помина без контроверзии, првиот гол на Португалецот е спорен, тој во зачетокот на акцијата беше длабоко во офсајд.
За оваа ситуација се разви голема дебата на социјалните мрежи, а камерите го уловија и самиот Кристијано Роналдо како разговора со судијата Мартин Еткинсон.
Пред почетокот на второто полувреме, во тунелот, ЦР7 го запраша судијата: „Еткинсон, имаше ли офасајд?”
Англичанецот му одговори: „Во прв момент имаше офсајд”.
На ова Роналдо веднаш одговори: „Да но јас не влијаев на играта, па нема офсајд”.
Извор: 24FUDBAL.com.mk
