Англија | Жозе Мурињо и Манчестер јунајтед имаа прилично дефанзивен пристап на дербито со Манчестер Сити, „Црвените Ѓаволи“ упатија само еден удар во рамките на голот...



Актерите на дербито на Манчестер потфрлија, натпреварот заврши без голови, а за ова сигурно заслуга има Жозе Мурињо и неговата дефанзивна тактика.

„Црвените Ѓаволи“ во најголемиот дел од средбата беа зад топката и повеќе се фокусираа на тоа како да го сочуваат својот гол а не да го загрозат противничкиот.

Манчестер јунајтед имаше само ТРИ шута, од кој еден во рамките на голот, оној на Мхитарјан по грешката на Браво. Вториот шут заврши крај голот, а третиот беше блокиран.

Според Опта, гостите од Олд Трафорд имале посед на топката од 30,8%, најмалку на еден натпревар во Премиерлигата откако Опта почнала да води статистика во сезоната 2003/04.

Секако, Жозе Мурињо ќе се вади со „целта ги оправдува средствата“, тој има големи проблеми со повреди и успеа од Етихад да си замине со бод.

Но фудбалските љубители ја плаќаат цената и останаа разочарани од она што го видоа.

Извор: 24FUDBAL.com.mk