Италија Македонскиот интернационалец, Горан Пандев вели дека е среќен што по шестте тешки месеци со Лацио сега ужива одлични шест месеци во Интер

Пандев кон крајот на минатата година по судски пат доби раскин на договорот со Лацио откако Клаудио Лотито го ’замрзна’ македонскиот интернационалец на Олимпико поради желбата на напаѓачот да направи трансфер и да не ја продолжи верноста.

Во јануари тој му се приклучи на тимот на Интер и веднаш се етаблираше како еден од клучните играчи на Жозе Мурињо.

Откако Нероаѕурите со победата на Сиена во неделата го одбранија Скудетото, избраниците на ’Специјалниот’ сега во сабота ќе имаат можност да направат историја со освојување на тројната круна.

Во пресрет на финалето од Лигата на Шампионите и дуелот со Баерн Минхен, Горан Пандев разговараше со ТВ каналот на Интер.

“Ова е прв пат окако јас сум во Интер да гледам толку многу новинари во нашиот тренинг центар.” – рече Пандев.

“Дури ни оние малку тренинг сесии што беа отворени за новинарите не можат да се споредат.”

“Но и вака е добро. Успеваме да тренираме смирено. Среќни сме и со нетрпение го чекаме дуелот во сабота.”

“Можеби сеуште целосно не разбирам каде сигнавме но сум многу среќен и се надевам дека ќе влезам во историјата на Интер по натпреварот со Баерн Минхен.”

“Поминав шест тешки месеци во Лацио и се преселив во силен тим. Не можаев да замислам дека ќе бидам толку среќен. Можам само да им се заблагодарам на соиграчите и тренерскиот персонал за нивната помош.”

По дуелот со Барселона, на Џузепе Меаца во полу-финалето од Лигата на Шампионите, Пандев се мачи со повреда и добива мала миутажа на последните натпревари.

“Претходно се мачев со ситна повреда но сега се е во ред. Тренирам добро и подготвен сум да му помогнам на тимот.”

Powered by: 24 FUDBAL.com.mk