Италија Жозе Мурињо повторно признава дека не е среќен од Италијанскиот фудбал но повторно негира дека има договор со Реал Мадрид

Секој ден има голем број на шпекулации за иднината на Жозе Мурињо, кој се чини дека ова лето ќе замине од Интер за преселба во Реал Мадрид.

Морати вчера призна дека ќе биде изненаден доколку Мурињо остане на Џузепе Меаца а AS утрово објави дека агентот на Жозе постигнал вербален договор со Реал Мадрид.

Но по денешниот тренинг, Мурињо уште еднаш повтори дека нема договор со Реал Мадрид и дека за својата иднина ќе одличи по крајот на финалето од Лигата на шампионите.

“Не се работи за проблем околу договорот или пак парите. Слободно можам да кажам дека малку ми е срам поради парите што ги заработувам во оваа криза.”

“Се работи за лична сатисфакција, да се чувствуваш исполент, почитуван или не во фудбалска земја каде што имам многу проблеми.”

“Нема да го променам она што го кажав од пред неколку дена. Не е точно дека јас сум новиот тренер на Реал Мадрид.”

“По финалето од Лигата на Шампионите ќе имам два или три дена мирно да размислам за мојата иднина.”

“Очигледно е дека Интер не може да направи ништо повеќе за јас да бидам среќен и да се чувствувам важен: играчите се фантастичени, имам голема поврзаност со фановите. Сите во клубот се фантастични.”

Мурињо потоа одговори на обвинувањата на Луис ван Гал, тренерот на Баерн Минхен кој вчера рече дека не очекува Интер да игра офанзивно во финалето од Лигата на Шампионите.

“Во Лигата на Шампионите јас не се сеќавам на натпревар каков што беше Интер-Барселона на Џузепе Меаца. Никој не играш ефудбал како што игравме ние, да го напаѓаме толку многу Европскиот шампион и да победиме во првиот натпревар од полуфиналето.”

“Никој како нас не напаѓал на Стемфорд Бриџ. Одигравме два натпревари како никој друг.”

“Тој вели дека е загрижен за судиите? Јас сум загрижен за вулканот од Исланд. Би сакал да одам во Мадрид во петок но наместо тоа ќе одиме утре. Ова е мојата единствена грижа. Не сум загрижен за судиите.”

“Италијаните немаат заборавено каков беше натпреварот на Баерн против Фиорентина исто како што Англичаните не го забораваат црвениот картон на Рафаел, но тоа не е мој проблем.”

Powered by: 24 FUDBAL.com.mk