Лига на Шампиони | Тренерот на Борусија Дортмунд, Томас Тухел открива дека тие не биле ниту консултирани дали можат да го играат натпреварот против Монако само 24 часа откако беше нападнат нивниот автобус...



Борусија Дортмунд го загуби одложениот меч со Монако, а се чини дека големо влијание за исходот имаше и грозниот настан кој се случи ден претходно кога фудбалерите на германскиот тим доживеаа бомбашки напад кој за среќа не заврши со страшни последици.

„Преку текстуална порака бевме известени дека УЕФА донела одлука. Одлуката паднала во Швајцарија. Нас никој не не праша“ - вели Тухел.

„Не можевме за еден ден да го заборавиме она што ни се случи, а тоа е многу лошо чувство. УЕФА инсистираше да се игра, и се разбира дека игравме. И не сакаме оваа ситуација да ја користиме како изговор“.

„Сакавме да имаме повеќе време да се справиме со тоа што се случи, но некој во Швајцарија одлучил дека мора да играме“.

Извор: 24FUDBAL.com.mk