Италија Извршниот директор на Интер, Ернесто Паолило се надева дека Жозе Мурињо нема да си замине од клубот во летниот преоден рок.

Утринските весници се полни со шпекулации дека солзите на Мурињо по натпреварот против Катанија значеле емотивно збогување на Португалецот со фановите на Интер.

Не јасно е дали тоа бил и последниот натпревар во Серија А за Мурињо, ништо нема да биде познато најмалку до завршувањето на финалниот дуел од Лигата на Шампионите.

Извршниот директор на Интер, Ернесто Паолило се надева дека Мурињо ќе остане во клубот.

"Мурињо остава свој белег во она што ги учи фудбалерите на теренот" - вели Паолило.

"Тој дизајнираше неколку тактички шеми и сите тие остануваат во ДНКта на играчите. Тој е голем фудбалски маестро".

"Убеден сум дека играчите секогаш ќе го носат во нив она што го учат од Мурињо".

Паолило беше запрашан дали Мурињо ќе си замине по натпреварот од Лигата на Шампионите во Мадрид.

"Тоа би било голема штета. Се надевам дека тоа нема да се случи".

"Но сега, ние размислуваме за неговата храброст. За другото ќе зборуваме по финалето".

"Би сакал оваа недела да зборуваме за заслугите на Мурињо, и како тој го обликуваше тимот и го однесе во финалето од Лигата на Шампионите" - заврши извршниот директор на Интер.

Powered by: 24 FUDBAL.com.mk