Англија Менаџерот на Челзи, Карло Анчелоти вели дека информациите дека трансфер цел број еден на Жозе Мурињо за следната сезона е Френк Лампард, се неточни.
Лампард имаше една од најдобрите сезони во кариерата, постигнувајќи 22 гола во Премиер лигата и 27 во сите натпреварувања, притоа освојувајќи ја двојната круна со Челзи.
Мурињо остана добар пријател со Лампард и по заминувањето од Стемфорд Бриџ, тој веднаш сакаше да го ангажира фудбалерот на Челзи, но тоа не се случи.
Сега повторно се активираат гласините дека Лампард ќе биде трансфер цел број еден на Мурињо кој се поврзува со заминување во Реал Мадрид.
Сепак Анчелоти верува дека тоа се само смешни стории од медиумите и нема никаква вистина во тоа.
"Оваа сторија е шега. Лампард ќе остане тука. Кога започнав тука, имаше проблем со Џон Тери и Манчестер Сити" - вели Анчелоти.
"Секој пат велев, не, Џон Тери ќе остане тука бидејќи е важен играч за нас. Не сакам да го правам истото и со Лампард. Тој ќе остане тука".
Италијанскиот стратег претходно изјави дека планира долг престој на Стемфорд Бриџ.
Powered by: 24 FUDBAL.com.mk
