Англија | „Црвените“ се загрижени дека повредата на Садио Мане е полоша од првичните прогнози, се стравува дека можеби сезоната за Сенегалецот е завршена...



Саидо Мане мораше предвреме да го заврши дербито на Мерсисајд изминатиов викенд откако доби удар при еден дуел со Лејтон Бејнс.

Во прв момент се чинеше дека не е ништо страшно, но медиумите од „Островото“ сега пренесуваат дека „Црвените“ се загрижени.

Отокот на коленото на Сенегалецот се уште е голем, и не можат да бидат извршени деталните тестови кои ќе ја донесат точната дијагноза.

Па Ливерпул стравува дека повредата е посериозна од првичните прогнози, и Саидо Мане би можел да паузира неколку недели.

Најпесимистичките сценарија се дека сезона за играчот е завршена.

Доколку ваквите стравувања се покажат како точни, тоа ќе биде голем удар за Јирген Клоп и Ливерпул во битката за топ четири, Саидо Мане е еден од најдобрите играчи на „Црвените“ оваа сезона.

Германецот веќе остана без услугите на Адам Лалана, кој ќе паузира еден месец, а надвор од стројот е и капитенот Џордан Хендерсон.

Извор: 24FUDBAL.com.mk