МЕНИ

Англија | Поранешниот претседател на „Кралевите“, Рамон Калдерон вели дека парите не се проблем за Еден Азар да се пресели на Сантијаго Берннабе, за зделката да се реализира само играчот треба да каже ДА...

Во последно време силно се шпекулира дека Еден Азар летоска ќе биде новиот „Галактико“.

Медиумите блиски до Реал Мадрид велат дека Белгијанецот, кој е под договор со Челси до 2020, е отворен за идејата да работи под водство на Зинедин Зидан и најавуваат мега трансфер.

„Челси не е клуб кој продава, па нема да биде лесно” – вели поранешниот претседател на „Кралевите“, Рамон Калдерон.

„Но како и секогаш, се ќе зависи од желбата на играчот. Доколку сака да замине, ќе замине”.

„Се зависи од играчот. Во моментот кога играчот ќе каже „Сакам да заминам и да се преселам во Реал Мадрид“, ќе почнат преговорите”.

„Челси сигурно ќе бара многу пари. Сите знаеме какви суми се платија за Роналдо, Бејл, Погба, и сега границата е 100 милиони фунти”.

„Па очекувам Челси да побара толку. Но Реал Мадрид е во здрава финансиска состојба, и мислам дека оваа сума нема да им преставува проблем”.