Италија | „Римската Волчица“ се опорави од раното водство на Сасуоло за на крајот да стигне до победа 3-1 и да освои нови три бода за враќање на второто место на табелата...



Следното коло го носи дуелот помеѓу Наполи и Јувентус, па за Рома беше многу важно вечерва да освои три бода против Сасуоло и од втората позиција да го проследи дербито.

Избраниците на Спалети лошо го започнаа натпреварот, Дефрел ги донесе гостите во предност по само девет минути.

Сепак, до крајот на првиот дел Рома го сврте резултатот во своја корист. Паредес најпрво изедначи на 1-1 во 16. минтута, а потоа Салах во втората минута од судиското надополнување донесе водство од 2-1.

Победата и трите бода ги осигура Џеко, кој откако доби шанса во второто полувреме погоди за 3-1 во 68. минута.

Извор: 24FUDBAL.com.mk