Англија | Менаџерот на Манчестер јунајтед, Жозе Мурињо објасни зошто не се ракувал со својот колега од Челси, Антонио Конте по крајот на вчерашниот натпревар на Стемфорд Бриџ...



Двајцата менаџери одново требаше да бидат разделени од четвртиот судија откако имаа нов судир крај аут линијата во вчерашната победа на Челси од 1-0 над Манчестер јунајтед во ФА Купот.

По последниот свиреж на судијата, Жозе Мурињо не се ракуваше со Антонио Конте, па Португалецот објасни зошто не го сторил тоа.

„Не се ракувавме бидејќи моите играчи заслужија веднаш да добијат признание од мене, а и нашите фанови заслужија да добијат едно благодарам од нас” – вели Португалецот.

„Можам да ви ветам дека ако го видам во подтрибинскиот простор ќе се ракувам со него”.

„Нема ништо да му кажам, но ќе се ракуваме”.

Извор: 24FUDBAL.com.mk