Англија | Медиумите од Англија пишуваат дека постарите играчи на Лестер имале средба со раководството на клубот на кое се пожалиле дека е нарушен односот со Клаудио Раниери и побарале промени...
„Лисиците“ на големо изненадување вчера му врачија отказ на Клаудио Раниери, откако Италијанецот пред девет месеци им ја донесе титулата во Премиерлигата.
Според пишувањата на Мирор и Тајмс, за ваквиот потег на клубот заслуга имаат и постарите играчи.
Весниците пишуваат дека тие неодамна им се пожалиле на лидерите на клубот дека е нарушен односот со Клаудио Раниери и не се задоволни од него.
Наводно играчите не биле задоволни што стратегот премногу често ја менува формацијата и составот, новите тренинг методи и промената во исхраната.
По поразот од Севиља во Лигата на Шампионите, вчера имало нова средба помеѓу играчите и управата по која Лестер одлучи дека е време за промени и му врачи отказ на Раниери.
Скај Спортс исто така пренесе дека во четвртокот наутро имало состанок помеѓу сопствениците и фудбалерите, на кој постарите фудбалери го израсиле своите незадоволство и ставови.
Но во ниту еден извештај не се откриваат имињата на играчите, па останува само да се нагаѓа дали тоа се Каспер Шмајхел, Роберт Хут, Вес Морган, Дени Дринквотер, Енди Кинг, Џејми Варди и Ријад Марез.
Извор: 24FUDBAL.com.mk
