Останато Капитенот на Бугарија, Димитар Бербатов соопшти дека се пензионира од интернационалниот фудбал

Напаѓачот на Манчестер Јунајтед има 74 настапи за Бугарската репрезентација постигнувајќи 48 погодоци.

Но по неуспехот во квалификациите за СП 2010 многумина упатија критики кон Бербатов.

На прес-конференција во Софија, Бербатов денес соопшти дека повеќе нема да настапува за селекцијата на Бугарија со што напаѓачот нема да настапи на квалификациите за ЕВРО 2012, каде Бугарија е во Групата Г заедно со Англија.

“Донесов одлука во иднина да не настапувам за националниот тим. Пензионирањето во интернационалниот фудбал не е лесна одлука и во неколку наврати добро и долго време размислував.”

“Се има почеток и се има свој крај.”

“Се почувствував истоштен и има многу момци кои можат да излезат од мојата сенка. За нив моментот дојде.”

“Секогаш треба да знаете кога да престанете. Не сум разговарал за ова со мојот клуб. Претпоставувам дека Сер Алекс Фергусон ќе ми се јави кога вестите ќе пристигнат во Англија.”

Powered by: 24 FUDBAL.com.mk