Англија Sky Sports повикувајќи се на свој извори вели дека ѕвездата на Англија и Челзи нема скршеница на метатарзалните коски на стапалото

Џон Тери денеска заработи повреда на тренингот на Челзи и веднаш го напушти тренинг комплексот на клубот за да замине на детални снимки и беше приморан да носи заштитна обувка на десната нога.

Медиумите стравуваа дека капитенот на Челзи има скрешеница на метатарзалните коски на десното стапало и се стравуавше дека Тери би можел да го пропушти мондијалот во Јужна Африка.

Екипата на Челзи најави дека за здравствената состојба на централниот стопер ќе се знае повеќе дури во четврток но Sky Sports повикувајќи се на свој извори вели дека ренген снимките не покажале скршеница на стапалото.

Сепак лекарскиот тим не му дал зелено светло на Тери за враќање на терените бидејќи утре ќе се направат дополнителни тестови со цел да се види дали капитенот на Челзи има оштетување на лигаментите.

Тери очајно посакува да не заработи поголема повреда бидејќи сака да го предводи Челзи на ФА Куп финалето во сабота против Портсмут и комплетирањето на првата двојна круна во историјата на клубот.

Селекторот на Англија, Фабио Капело исто така е во исчекување на позитивни вести бидејќи е желен да избегне посериозни повреди во пресрет на мондијалот во Јужна Африка.

Powered by: 24 FUDBAL.com.mk