Италија Адриано Галијани вели дека тие ќе разговараат со Роналдињо за продолжување на верноста на почетокот од следната година

Потпретседателот на Росоњерите исто така негираше дека тие му понудиле на Роналдињо нов договор со значително помала плата.

По одличната сезона на бразилскиот интенрационалец на Сан Сиро, медиумите од Италија шпекулираа дека Милан е во преговори со Роналдињо за продолжување на верноста но за плејмејкерот да остана во Милано ќе треба да прифати намалување на платата од 25%.

Но Адриано Галијани во разговор со медиумите пред да влезе во просториите на Лига Калчо, откри дека тие планираат да започнат преговори со Роналдињо дури на почетокот од следната година.

“Се имам сретнато со Роберто Де Асис (братот и агентот на Роналдињо). Но не сме разговарале за договорот на неговиот брат, туку за други играчи.” – рече Галијани.

“Милан никогаш не му понудил на Роналдињо договор каде што тој ќе треба да прифати намалување на платата, како што говореа извештаите на медиумите.“

“Роналдињо има договор со нас до јуни 2011 и ќе разговараме за неговото продолжување дури по јануари.”

Powered by: 24 FUDBAL.com.mk