МЕНИ

Англија | Менаџерот на Манчестер Сити, Пеп Гвардиола вели дека посакува и во иднина да смета на Кун Агуеро, но не може со сигурност да тврди дека напаѓачот ќе остане...

Аргентинецот на последните два натпревар ја грее клупата, а шанса во првиот тим доби јануарското засилугање Габриел Жесус.

Младиот Бразилец ја искористи приликата која му се укажа и постигна три погодоци, па се говори дека Пеп Гвардиола и понатаму ќе игра со Габриел Жесус во првиот тим.

Ваквиот развој на настаните става знак прашалник врз долгорочната иднина на Кун Агуеро и веќе се говори за негово заминување од Етихад Стадионот.

„Би сакал Кун Агуеро да остане” – вели менаџерот Пеп Гвардиола. „Но не знам што ќе се случи”.

„Дури и за самиот себе никогаш не сум знаел што ќе се случи по крајот на сезоната”.

„Ќе видиме како ќе се одвиваат работите летоска. Знам колку е тешко да се најде топ голгетер”.

Доколку Кун Агуеро замине од Манчестер Сити, медиумите пишуваат дека играчот ќе има голем број на понуди, се шпекулира дека ПСЖ, Интер, Милан, Барселона и Реал Мадрид ја следат неговата ситуација.