Шпанија | Според пишувањата на медиумите од Италија, Реал Мадрид и Торино наскоро ќе разговараат за можен трансфер на Андреа Белоти на Сантијаго Бернабеу...



23 годишниот напаѓач игра во одлична форма оваа сезона па го привлече вниманието на голем број клубови ширум Европа.

Торино не сака да остане без својата млада ѕвезда па во новиот договор на Андреа Белоти вметна откупна клаузула вредна 100 милиони евра.

Но според пишувањата на Газета дело Спорт, оваа бројка не го плаши Реал Мадрид.

„Кралевите“ сакаат да го видат Италијанецот во своите редови и веќе е закажана средба со Торино.

Весникот пренесува дека претседателот на Реал Мадрид, Флорентино Перез често е во контакт со својот колега од Торино, Урбано Каиро и го поканил да му биде гостин на средбата од Лигата на Шампионите против Наполи.

Останува да се види дали има вистина во ваквите шпекулации.

Извор: 24FUDBAL.com.mk