Италија Екипата на Јувентус потврди дека бордот на директори денес побарал да биде повлечено Скудетото од сезоната 2005/06

Ова го најави уште пред неколку недели сопственикот Џон Елкан, кога наследникот на семејството Ањели за La Stampa говореше за назначувањето на Андреа Ањели за нов претседател на Јувентус.

Старата Дама се решава на еден ваков чекор откако во трибуналот во Неапол адвокатите на Лучијано Моџи доставија снимки на кои има разговори помеѓу претставници на Интер и многу други клубови со делегатот на судиите.

Во 2006 на Јувентус му беа одземени двете Скудета од сезоните 2004/05 и 2005/06 поради тоа што Личијано Моџи го користел своето влијани за Јувентус да добие помош.

Бјанконерите завршија во Серија Б а Скудетот од сезоната 2005/06 му припадна на Интер на зелена маса откако УЕФА нареди дека мора да има шампион со цел клубовите од Италија да играат во Европските натпреварувања.

Сега откако излегоа снимките од разговорите помеѓу тогашниот претседател на Интер, Факети и сопственикот Морати со делегатот на судиите, бордот на Јувентус побара Скудетото од сезоната 2005/06 да му биде одземено на Интер.

“За време на денешното заседаниот на бордот на директори на Јувентус беше одлучено да се испрати барање до Италијанскиот Олимписки Комитет, претседателот на Италијанската Фудбалска Федерација (ФИГЦ), Канцелариите на Федералното Обвинителство и Првиот човек на Федералните Обвинители, за повлекувае на Скудетото од сезоната 2005/06. Како што рече Џон Елкан на 29ти април, Јувентус бара еднаков третман.” – гласеше соопштението на Јувентус.

Бордот на директори на денешната средба исто така ги одобрија бројките за третиот квартал од годината во кој Јуве бележи приход од 62,7 милиони евра и оперативни трошоци од 50,8 милиони евра.

Приходот е речиси непроменет во споредба со овој период од минатата година но затоа пак оперативните трошоци бележат пораст за околу 9,16% прет се поради платите на играчите и трошоците на техничкиот персонал.

Powered by: 24 FUDBAL.com.mk