Италија Извршниот директор на Сампдорија, Бепе Марота негира дека веќе се договорил со екипата на Јувентус за преселба во Торино

Бепе Марота силно се поврзува со екипата на Јувентус и медиумите шпекулираат дека тој ќе биде новиот генерален директор на Старата Дама во реконструкцијата на тимот што веќе започна со назначувањето на Андреа Ањели за нов претседател.

Извештаите говореа дека извршниот директор на Сампдорија уште минатата недела ставил потпис на договорот со Бјанконерите но Бепе Марота го негираше сето тоа.

“Немам потпишано договор со Јувентус.” – рече Марота за ТВ шоуто ‘La Domenica Sportiva’ на Rai.

“За оваа тема ќе мислам по крајот на сезоната, по дуелот во недела со Наполи.”

“Сите работи ќе ги направам со најголема транспарентност, како што секогаш сум ги правел.”

“Ќе разговарам со претседателот Рикардо Гароне, бидејќи е фер да го сторам тоа, со цел да се донесе најдобрата одлука.”

Сампдорија откако успеа да обезбеди рими на вчерашниот дуел со Палермо е во пол позиција за обезбедување на четвртото место и настап во Лигата на Шампионите следната сезона.


Но избраниците на Луиџи Дел Нери нема да имаат лесна задача бидејќи за противник го имаат силниот тим на Наполи.

Powered by: 24 FUDBAL.com.mk