Италија | Сицилија ги слави Несторовски Трајковски кои беа во главна улога на синоќешниот луд натпревар помеѓу Џенова и Палермо кој го доби тимот од Сицилија со 4-3, Македонците му го приредија најцрниот ден во досегашната кариера на Матија Перин...



Палермо ги слави Македонците кои беа клучни во многу важната победа на гостувањето кај Џенова која го враќа духот во тимот.
 
Несторовски не постигна гол но имаше две асистенции, една од нив беше за Александар Трајковски кој по повредата во голем стил се врати на теренот, го постигна победничкиот погодок во 90. минута.
 
Во судиското продолжение голманот на Џенова, Перин ги загуби нервите. Наместо да ја дегажира топката, се затрча и го бутна Несторовски кој му се приближи. Судијата без двоумење му покажа директен црвен картон.

Тренерот на Џенова, Јуриќ најави казна за Перин.
 
„Тоа што го направи е сериозно и ќе биде казнет. Играч на негово ниво не смее да дозволи така да се исклучи“ - изјави Иван Јуриќ.
 
Палермо сеуште е во зоната за испаѓање, но овие три бода носат енергија и мотивација која ветува многу подобри игри во иднина.

Извор: 24FUDBAL.com.mk