Колумбиецот никако не успева да се наметне во стартниот состав на „Кралевите“, па подолго време се пишува дека иднината на Хамес Родригез на Сантијаго Бернабеу е под знак прашалник.
По вчерашниот триумф во финалето на Клупското светско првенство, натпревар на кој плејмејкерот не доби шанса, Хамес Родригез се пожали за малата минутажа и откри дека разгледува понуди за заминување од Реал Мадрид.
„Не можам да ви гарантирам дека ќе останам” – рече Родригез. „Имам понуди и во следните седум дена ќе ги разгледам”.
„Среќен сум во Реал, но сакам да играм. Разочаран сум што не настапив во финалето, но среќен сум со трофејот, кој е 15. во мојата кариера”.
По ваквите коментари се огласи капитенот Серхио Рамос, кој упати критики на адреса на својот соиграч зошто говори за лични проблеми во моменти кога Реал се радува на нова титула.
„Ова не е ден кога треба да говориме за личните проблеми” – вели дефанзивецот.
„Му го кажав истото и на него со најдобра намера, и се надевам дека ќе останам. Денес не треба да се фокусираме на други работи”.
Извор: 24FUDBAL.com.mk
