Англија | Златан Ибрахимовиќ се покажува како вистинско засилување за Манчестер јунајтед, искусниот напаѓач има 10 голови на последните девет натпревари, па не пропушти во свој стил да ја прокоментира формата...



Со два гола во Бирмингем, Ибрахимовиќ му донесе победа на Манчестер јунајтед од 2-0 над ВБА и три многу важни бода за приклучок кон врвот.

Ибрахимовиќ досега постигна 16 голови во дресот на Манчестер јунајтед од кои 10 во последните девет натпревари.

Многумина зборуваат за неговата возраст, Швеѓанецот има 35 години, но не покажува пад во формата.

„Колку сум постар, толку сум подобар, како црвеното вино. Сакате црвено вино? Јас сум перфектен пример за тоа. Се прилагодувам и многу сум среќен, се чувствувам добро. Имам 35 години, но во мојот ум имам 20. Би можел да играм и до 50“ - изјави Ибрахимовиќ во свој стил.

Извор: 24FUDBAL.com.mk