МЕНИ

Италија | Синиша Михајловиќ смисли одличен начин како да ги мотивира своите играчи, на прес се појави со специјални гости и му порача на Јувентус дека ќе игра против историјата на Торино, фановите и сите вработени...

Во големото градско дерби, Торино утре го пречекува шампионот на Италија, Јувентус.

„Старата Дама“ вообичаено лесно се справува со локалниот ривал, има девет победи на последните десет натпревари.

Па затоа Синиша Михајловиќ смисли одличен начин како да ги мотивира своите играчи.

Стратегот денеска на прес се појави со специјални гости и му порача на Јувентус дека ќе игра против историјата на Торино, фановите и сите вработени.

„Денеска донесов неколку луѓе кои утре ќе играат со нас” – рече Михајловиќ.

„Ова е Ренато „Сократес“ Карнаља. Има 60 години, секогаш фан на Торино. Бил сведок на Скудетото, на испаѓањето од Серија А, никогаш не се откажал од љубовта кон Торино”.

„Тука е и Лука Финето, магационер кој ни помага во секојдневната работа. И тој ќе игра утре, бидејќи не зависиме само од парадите на Харт и головите на Белоти”.

„Исто така, тука е и Амос Ферини, синот на Џорџо, капитенот над капитените, кој за жал прерано не напушти, но од небото ги следи сите наши натпревари”.

„Тука е и Марко Бенаси, кој утре ќе истрча на теренот”.

„Па Јувентус утре нема да игра само против 11 играчи, туку против нашата историја, фановите и сите кои работат за нас”.

„Ќе мораат добро да се намачат за да не победат. Не знам како ќе заврши дербито, но знам дека теренот ќе го напуштиме со исправени глави зошто ќе одиграме во стилот на Торино и ќе го дадеме максимумот”.