Останато Според медиумите од Шпанија, играчот на Реал Мадрид, Гути е пред трансфер во редовите на Галатасарај

Marca објави дека ветеранот Гути вечерва ќе го одигра последниот на Сантијаго Бернабе во дресот на Реал Мадрид.

Играчот од средниот ред од поодамна најави дека планира да го напушти Реал Мадрид и во пресрет на дуелот помеѓу Реал Мадрид и Барселона на медиумите им призна дека дербито за него ќе биде последно Ел Класико.

Се верува дека следна дестинација на Гути ќе биде екипата на Галатасарај откако Франк Рајкард на управата на клубот му соопштил дека ангажманот на 33 годишниот фудбалер треба да биде еден од приоритетите ова лето.

Шпекулациите говорат дека клубот од Турција на Гути ќе му понуди богат двегодишен договор со цел да го привлечат Шпанецот и исто така се верува дека управата на Реал Мадрид нема да му прави проблеми на Гути и покрај тоа што играчот има договор и за следната сезона.

Гути во дресот на Реал Мадрид помина 15 годиони настапувајќи на 516 натпревари.

Тој со Кралевите успеа да освои три титули во Лигата на Шампионите, до сега има пет титули од Ла Лига односно импресивни 15 медали во дресот на Реал Мадрид.

Powered by: 24 FUDBAL.com.mk