МЕНИ

Лига Европа | „Црвените Ѓаволи“ си ги зголемија шансите за прогрес во следната рунда во Лига Европа откако вечерва со убедливи 4-0 го совладаа Феенорд пред своите фанови...

Најтрофејниот клуб од Англија ризикуваше елиминација со евентуален пораз од Феенорд, но избраниците на Жозе Мурињо не дозволија изненадување, и со импресивна партија победија со 4-0.

По неколку неискористени шанси, резултатот го отвори Вејн Руни во 35. минута. Ибра одлично го проигра Англичанецот кој ја префрли топкаа преку голманот на Феенорд за 1-0.

Вејн Руни потоа беше во улога на асистент во 69. минута за Мата од пет метри рутински да ја затресе мрежата на гостите.

Во 75. минута Ибра се обиде да уфрли една топка по земја, но голманот на Феенорд реагираше несмасно и си ја затресе сопствената мрежа за 3-0.

Точка на натпреварот стави Лингард во втората минута од судиското продолжение, Англичанецот од врвот на шеснаесетникот одлично пласираше за конечни 4-0.

Лига Европа резултати:

Сент Етјен – Мајнц 0:0
Олимпијакос – Јанг Бојс 1:1
Манчестер јунајтед – Феенорд 4:0
Генк – Рапид Виена 1:0
Дандал – АЗ Алкмар 0:1
Австрија Виена – Астра 1:2
Атлетик Билбао – Сасуоло 3:2
Рома – Плзењ 4:1